Cimwch.com
Does dim maddeuant i rhyw gamgymeriad bach fel y darganfu Iain Solfach sydd yn pysgota o Borth Meudwy, Aberdaron.
Gwelwyd hon yn rhifyn Tachwedd 2003 o'r papur bro "Llanw Llŷn"
Iain Solfach a'r Tractor
Un diwrnod yn ystod Haf 2003,
Aeth Iain Solfach allan ar môr wyddoch chi,
Gan adael y tractor a'r trelar cwch ar y traeth'
A ffwr a fo am Enlli ddim tamad gwaeth,
Bu yn fanno am oria' yn hel cimwch a'r cranc,
Cyn troi nôl am Borth Meudwy a meddwl am y pres yn y banc,
Ond pan gyrhaeddodd geg borth fe sbiodd yn syn,
Doedd pethau ddim i fod fel hyn,
Canys roedd y tractor o dan y dŵr,
A meddai Iain, "Fisi ddim yn hir dwi'n siŵr."
Rwyf yn synnu Iain at bysgotwr fel chdi,
Ddim yn dallt trai a llanw ma siŵr gin i,
Os ydi mor fain a hynna ar foi tlawd fatha chdi,
Prynu llyfr teid i ti Dolig,
Dyna be na i.
Iolo Williams
Cwch Iain heb y tractor.
Cof da sydd gan y beirdd gwlad ac ymddangosodd hon yn rhifyn Rhagfyr o "Llanw Llŷn."
Tecwyn Tanddwr
Aeth Ian am Enlli ryw ddiwrnod ar frys
Bron iawn heb gael amser i roi ei grys,
Pan ddychwelodd i'r Borth cafodd sioc ar ei dîn
Roedd y tractor o'r golwg fel "sydnamarine."
Roedd hon yn olygfa ddigalon, mae'n siŵr
Yr "exhaust" fel perisgôp allan o'r dŵr,
Ni soniodd yr un gair wrtha i am y gwall
Ninnau'n sgwrsio reit amal am naill beth a'r llall,
Mae'n siŵr bod o'n ddolur calon i dyn
Fedra fo feio neb, ond fo ei hun
Mi ddylai'r pysgotwr fod yn gwybod yn well,
Ond, pan gyll y call fe gyll yn reit bell.
H.E. Williams
Copyright © Cimwch.com 2004